紋身與母親

關於這個紋身
從開針一刻至完結，前後大約兩小時半，短促得來很漫長。它是畢業後、這數年間的生活小總結，一個格言，一個提醒、一個自覺。

完成後，陸續給不同朋友看過，有人看出一顆鑽石、一個手榴彈、一塊水晶、一支香水，我喜歡這個過程，日後旅行時，便多一一個被陌生人打開話匣子的方式。

關於母親
話說某天晚上在家裡自行又漂又染，阿媽回家後睇見我成個阿凡達咁，立即大動肝火：「女仔之家」、「五顏六色咁唔正經」、「小心出街俾飛仔撩」……所以當決定要做這個紋身時，已經預計到娘親嘅反應，一早就諗定降母十八掌來面對新一場腥風血雨，做定心理準備同佢過返一百幾十式。

4月初完成紋身後，不是刻意，但一直都穿著中袖衫，淆底嘅同時，又暗暗期待阿媽發現後嘅反應。今晚穿起短袖，阿媽終於發現了，佢好平靜問左4個問題：

「個d咩黎嫁？」「紋身。」
「真定假嫁？」「真嘅。」
「痛唔痛丫？」「無M痛咁痛。」
「咩黎嫁？」「你覺得佢係乜野就係乜野。」

然後佢就繼續睇紅高樑。完。吓？咁就完？我嘅降母十八掌連馬都未紮。
阿媽突然咁有長進，做囡嘅有啲不能適應。

最後懷念一下我的初音頭。